ميس عينک د ۳ منډو په توپیر بست ساتونکو ته ماته ورکړه.

ليکنه: مدثر دعوت

د شپږيزي کريکټ ليګ دويمه لوبه د بست ساتونکو او ميس عينک اتلانو ترمنځ وه.

د لوبي پچه ميس عينک وګټله او د توپوهني پريکړه يې وکړه.

د ميس عينک لپاره رحمان الله ګوربز ۱۸، نورعلي ځدران ۳۷ او طارق ستانکزي ۲۵ منډي وکړې.

د بست لپاره وقارالله اسحاق ۲، نصرت الله،ګلبدین نائب، ضيالرحمن او قيس احمد يوه يوه ويکټه ترلاسه کړه.

ميس عينک وکولای سوه چي د ۸ لوبغاړو په سوځيدو ۱۵۷ منډي هدف وټاکي.

بست ساتونکو د هدف په تعقيب په احتياط سره پيل وکړ خو په وروستیو کي ورته په خطر بدل سو.

د بست لپاره ټايلر ۳۶، هشمت الله شاهدي ۴۰ او خيبر عمر ۳۱ منډي وکړې.

د ميس عینک لپاره يمين احمدزي ۴، محمدنبي ۳ ،نور احمد او نوين الحق يوه يوه ويکټه ترلاسه کړه.

د بست لوبډلي ۱۵۳ منډي وکړې او د ۳ منډو په توپير يې لوبه وبايلله.

يمين احمدزي د لوبي د غوره لوبغاړي جایزه وګټله.