دوامداره ناسته له سګریت څکولو هم مضره ده

په نني مصروف او بوخت دورکې د دفترونو زیاتره کارکونکي اړ دي، چې پرله پسې د کمپیوټر تر شاه کیني او خپل کارونه خلاص کړي.

خو په ګڼ شمیر څیړونو کې ثابته شوې، چې د څو ساعتونو پرله پسې ناسته د سګریت څکلو څخه هم مضره او خطرناکه ده.

د سګریتو په اړه مو اوریدلي، چې د سرطان د وژونکي ناروغۍ لامل کیږي؛ خو د څیړونکو یوه نوې ډله وايي، چې په پرله پسې ډول ناسته هم د زړه او سرطان ناروغۍ پیدا کوي.

په څیړنه کې د پرله پسې ناستې موده نه ده راغلې، خو ډاکتران سپارښتنه کوې، چې هر ساعت یا څه د پاسه یو ساعت وروسته باید ناست کس د څو دقیقو لپاره ودریږي او یا هم قدم ووهي.

ډاکتران وايي، که یو څوک د ورځې د ۸ – ۱۰ ساعتو پورې په ناسته خپل کارونه کوي، د زړه، سرطان، مغزو، او هډوکو په ناروغۍ اخته کیږي.

ځینې خلک له دفتري کاره وروسته تمرین ته ځي؛ خو ډاکتران وايي، چې د ورځې ۸ ساعته ناسته بیرته په یو ساعت سخت تمرین (سپورت) سره هم نه جبرانیږي.

دوی وايي، دومداره ناسته خیټه غټوي او هډوکي کمزورې کوي.

له فیسبوک تبصرې

تبصرې