ملي امنيت : د غزني لپاره د طالبانو نومول شوى والي ونیول شو

کابل (پژواک ٢٧ورى ٩٥) : د ملي امنيت رياست وايي چې د غزني لپاره د طالبانو لخوا نومول شوى والي د خوست ولايت په ګربزو ولسوالۍ کې ونيول شو.

دغه څرګندونې په هغه خبرپاڼه کې شوې دي چې ددغه رياست له لوري خپره شوې .

سرچينه وايي چې د قاري يوسف په نامه دغه تنه چې د طالبانو له خوا د غزني لپاره د والي په توګه نومول شوى و د خوست د

ولایت د ګربزو ولسوالۍ د شیخ امیر په کلي کې نيولى شوى دى.

سرچينه وايي چې قاری یوسف د یوی برید په چمتووالي بوخت و ، چې د ملي امنيت موظفينو ونيوه.

ملي امنيت زياتوي چې قاري یوسف په ښځینه جامو کی ونیول شو چی غوښتل يې له کلي څخه و تښتي.

سرچينې ددغه کس د نيونې دقيقه نېټه نه ده په ډاګه کړې .

تراوسه پورې وسله والو طالبانو په دې اړه څه نه دي ويلي .