د سریلنکا د کرکټ ملي لوبډلې کلیدي لوبغاړي رنګانا هیرات د هندوستان پر وړاندې د کیدونکې دریمې ټیسټ سیالۍ کې د نه لوبیدو پریکړه کړې ده.
رنګانا هیرات، چې د په (Slow Spin) یا ورو چرخیدونکې توپ اچونه کې د سریلنکايي کرکټ ملي لوبډلې د ملا تیر ګڼل کیږي، د هندۍ لوبډلې خلاف دویمې ټیسټ سیالۍ کې د لوبیدو وروسته د خپلې ملا درد څخه شکایت کړی دی او په راتلونکې دریمې سیالۍ کې د نه لوبیدو غوښتنه کړې ده.
د معلوماتو له مخې، د داوړو لوبډلو ترمنځ به دریمه ټیسټ سیالي د ډیسمبر میاشتې په دویمه نیټه د هندوستان په ډهلي کې ترسره شي.
د یادونې وړ ده، چې له دې وړاندې په دوه ترسره شویو سیالیو کې یوه په مساوي توګه او دویمه هغه یې د هندوستان په بریا پای ته رسیدلې ده.
