د احوالو او نفوسو ثبت ادارې ته د ځانمرګي داخلېدو اوازې، کاري چارې ځنډولې | بلاگ

د احوالو او نفوسو ثبت ادارې ته د ځانمرګي داخلېدو اوازې، کاري چارې ځنډولې

تعرفه تبلیغات در سایت

آخرین مطالب

امکانات وب

کابل (پژواک، ٢١ سلواغه ٩٦): د کابل په ډېرو سيمو کې د زلزلې د سخت ټکان له امله د اوازه هم خپره شوې وه، چې له امله يې سلګونه مراجعين له يادې ادارې وتښتېدل.

نن غرمه شاوخوا ١٢ بجې کابل کې د زلزلې له امله ډېر شمېر سيمې ولړزېدې، خو د احوالو او نفوسو په اداره کې په دې کار سره جلا پېښه رامنځته شوې، چې يادې ادارې ته د ځانمرګي داخلېدو اوازه وه.

د يادې پېښې يوه عيني شاهد او ادارې مراجعه کوونکي علي خان شېرزي پژواک خبري اژانس ته وويل: "د ځمکې په لړزېدو سره ناڅاپه وويل شول چې ځانمرګى داخل شوى او خلک هم هر لوري ته وتښتېدل."

هغه زياته کړه: "زه هم وتښتېدم او د ادارې له دروازې بهر ووتم، خلکو ته مې پام شو چې ټول منډې وهي او پر سرک سرګردانه ګرځي."

د يادې ادارې يوه بل مراجعه کوونکي وويل، د ځانمرګي د داخلېدو له ډاره يې په ډېره بيړه منډه وکړه، خو سرک ته له رسېدو سره يې پام شو چې موبايل يې ترې غورځېدلى او ورک دى.

د ١٠١ اسمايي زون قوماندانۍ وياند بصير مجاهد وويل: "د احوالو او نفوسو ثبت ادارې ته د ځانمرګي بريدګر د داخېلدو اوازه د خلکو د ډار لامل شوې او ټول خلک له يادې ادارې تښتېدلي دي."

د هغه په وينا، له همدې امله د يادې ادارې يو شمېر مراجعين ټپيان شوي، خو ټپونه يې د اندېښنې وړ نه دي.

يوې باخبره سرچينې وويل، له يادې پېښې وروسته د احوالو او نفوسو د ثبت ادارې دروازه تړل شوې ده.

...
نویسنده : کاوه محمدزادگان بازدید : 16 تاريخ : يکشنبه 22 بهمن 1396 ساعت: 0:34