چاريکار (پژواک، ٢ لیندۍ ٩٦): د کابل په قره باغ ولسوالۍ کې د يوه ځانمرګي بريد له امله يو کس وژل شوى او د ناټو د درېيو سرتېرو په ګډون ١٤ کسان ټپيان شوي دي.
د قره باغ ولسوال محمد ظريف راشد د ليندۍ په ٢مه پژواک خبري اژانس ته وويل چې دغه بريد پرون مازديګر د اورياخېلو په سيمه کې شوى دی.
هغه زياته کړه چې ځانمرګي بريدګر له چاودېدونکو توکو ډک خپل موټرسايکل د ناټو ځواکونو له کاروان سره جنګولى دی.
ولسوال وايي چې په دغه بريد کې يو ماشوم وژل شوى، د ناټو د درېیو سرتېرو په ګډون ١٤ تنه ټپيان شوي دي.
نوموړي وويل چې په ټپيانو کې د پنځو ماشومانو روغتيايي حالت دا ندېښنې وړ ښودل شوى دى.
په کابل کې مېشت ناټو ځواکونو پېښه مني، خو د مرګ ژوبلې په اړه معلومات نه ورکوي.
بلخوا د جورجيا د دفاع وزارت اعلان کړى چې په دغه ځانمرګي بريد کې يې درې سرتېري ټپيان شوي دي.
د دغه بريد مسووليت تر اوسه چا نه دى اخيستى.
Pasto: HP lead articles...
ما را در سایت Pasto: HP lead articles دنبال می کنید
برچسب : ځانمرګي, نویسنده : کاوه محمدزادگان afghaniha بازدید : 155 تاريخ : پنجشنبه 2 آذر 1396 ساعت: 17:36